ශ්‍රී ලංකා රජය මෙම ව්‍යාපෘතිය අරඹා තිබෙන්නේ 2009 මාර්තු මස 23 වන දිනදී ය, එනම් යාපනය බලා ධාවනයේ යෙදුනු යාල්දේවි නමින් හැඳින්වුන ජනප්‍රිය දුම්රිය ධාවනය පටන් ගැනීමෙන් වසර 56 කට පසුවය. යාල්දේවී මිත්‍රත්ව දුම්රිය මාර්ගය ප්‍රතිසංස්කරණය කිරීම ශ්‍රී ලංකාව යළි ගොඩනැගීමෙහිලා ක්‍රියාත්මක කෙරෙන විශිෂ්ටතම ව්‍යාපෘතියක් බවට පත් කිරීම ශ්‍රී ලංකා රජයේ අපේක්ෂාවයි. මෙම අරමුණ සාක්ෂාත් කරගැනීම සඳහා උතුරු පෙදෙසේ ආරක්ෂාව සහතික කෙරෙත්ම මේ සම්බන්ධ ඉදිකිරීම් සැළසුම් කඩිනම් කිරීමට රජය ක්‍රියාකරයි.